كل شئ عن الأيفون

Admin المساهمات : 25 تاريخ التسجيل : 21/10/2011

طبعا الإنتشار الواضح للآيفون جعل الكثير يُعْجَب بشكْلِه ومواصفاته ومميِّزَاته ..
اللي تخلِّي الواحد ينهبل ويقول وشلون عايش على أبو كشَّاف إلى الحين ..
وبِكَثرة الإستفسارات من الأعضاء عن بعض النُقَاط المُبْهَمَة والغير واضحة لهم .

راح يكون هذا الموضوع عبارة عن نقاط راح أتكلم عنها على التوالي:

- فتح الآيفون من الكرتون + مُلْحَقَاته او الأغراض اللي تجي معه
- طريقة تركيب الشريحة في الآيفون
- تشغيل الآيفون وتفعيله والمُزامنة مع برنامج الآيتونز ..
- عمل حساب جديد في الآيتونز
- طريقة نقل الصور والفيديو والصوت وجهات الاتصال إلى الآيفون عن طريق برنامج الآيتونز ..
- طريقة تحميل التطبيقات عن طريق الآيفون مباشرة .
- عمَل مُجَلَّد للتطبيقات
- حذف التطبيقات من الآيفون
- طريقة المُحَافَظَة على البطارية
- تنشيط الوسائط والإنترنت في الآيفون لجميع المُشَغِّلات
- نقل جهات الاتصال من الشريحة إلى الآيفون
- تغيير لغة الجهاز + تغيير لغة الكيبورد
- أغلب الإختصارات للآيفون
- التعرُّف على قسم الآيفون وطريقة الدخول والإندماج فيه

بسم الله نبدأ على بركة الله ..

قبل كل شي .. أحِب أبارك لك على الجهاز ودخولك عالم آبل وأنت في الطريق الصحيح .. فقط ضَع في بالك ..
ان ما فيه شي صعب في الجهاز .. استخدامه سَلِس والتعامل معه سهل

وإن شاء الله تستفيد معنا وتفِيد وناخذ منك الخبرة والمواضيع الزينة مُستقبلا

راح يتم التطبيق على جهاز آيفون 4 .. كَونه آخر جهاز أصدرته شركة آبل ..

- فتح الآيفون من الكرتون + مُلْحَقَاته او الأغراض اللي تجي معه

فتحنا الكرتون بحمد الله ورعايته ..
ويبيِّن في الصورة كرتون الجهاز + شريحة مايكرو ( راح اتكلم عنها ) من موبايلي ..

بعد ما فتحنا الكرتون .. راح أتكلم عن الأشياء اللي تجي معه ..

الشرح على حسب الآرقام الموجودة بالصورة :

1- سمّاعة مُرفقة مع الجهاز لإرسال واستقبال الصوت ..
2- كِيبَل USB يُسْتخدم لربط الآيفون بالكمبيوتر أو ربط الآيفون بالشاحن
3- فِيش كهرب أو مَنْفَذ للكَهرباء يُشبك فيه الكيبل ليشحن الجهاز عن طريق الكهرباء .. بـ 3 رؤوس ( فيه نوعيات يجي راسين ) ..
4- جهاز الآيفون
5- كُتَيِّب التعليمات ومعلومات عن الجهاز ويوجد بداخله دبُّوس صغير راح نتكلم عنه بالخطوات الجاية
6- شريحة مايكرو Micro وهي خاصة فقط في الآيفون 4 + الآيباد .. وراح أقارنها في الخطوات الثانية بالشريحة العادية

الآن نشوف الآيفون 3GS ‪-‬ 4 + شريحة SIM + Micor SIM
والفرق بينهم ..

نشوف شريحة المايكرو .. وصغر حجمها مُقَارَنَة بالشريحة العادية ..

- طريقة تركيب الشريحة في الآيفون

شكلك مستعجل تقول أبي أشغِّل الجهاز ..
طيب يالله تعال معي خطوة بخطوة علشان تعرف تركِّب الشريحة ..

أول شي تروح تفتح كُتَيِّب التعليمات اللي جاي مع الجهاز .
وراح تلقى داخله دبُّوس صغير زي اللي في الصورة ..

طلِّع الدبُّوس اللي موضَّح عليه بالدائرة الحمرا .
وخلِّه معك ..

ألحين نمسك الآيفون 4 .. ونشوفه من الجنب ..
راح نلقى مكان إدخال الشيرحة مثل هذي الصورة
* الثري جي اس والثري جي والتو جي .. مكان الشريحة من فوق

ألحِين ناخذ الدبُّوس .. وندخِّله في الفتحة ( اللي بالدائرة الحمرا )
ونضغط عليه وراح يطلع لنا مكان الشريحة مثل الصورة ..

- تشغيل الآيفون وتفعيله والمُزامنة مع برنامج الآيتونز ..
ألحين نركِّب الشريحة كأي جِهَاز ثاني .. ونرجِّعها لمكانها ..

بعدين نسمّي بسم الله ونضغط في الآيفون على زر البور( الزر اللي فوق ) 3-5 ثواني علشان نشغِّل الجهاز كما في الصورة

وراح يطلع لك صورة التفَّاحَة ..

انتضر شوي ..
وراح يطلع لك مثل هالصورة ( في حالة جهازك جديد فقط وغير مٌعرَّف)

صُورة كييل + سي دي كما هُوَ ظاهر لنا . .

الحين ناخذ الكيبل اللي في الكرتون .. ونَشبك الآيفون باللابتوب كما في الصورة ..

ألحين نخلِّي الجهاز على جنب .
ونجي نحمِّل برنامج الآيتونز في اللابتوب .

ندخل على هذا الرابط أولا

كود:
[ندعوك للتسجيل في المنتدى أو التعريف بنفسك لمعاينة هذا الرابط] نضغط على كلمة Download Now على اليسار
زي هالصورة

الآن نثبِّت البرنامج في جهاز الكمبيوتر ..
بعد التثبيت الطبيعي للبرنامج ..
نفتح البرنامج علشان يتعرَّف على الآيفون ( الايفون متصل بالكمبيوتر عن طريق الكيبل )

وراح يتفعِّل لحاله ويشتغل الآيفون وتطلع لك هذي الكلمة

ألف مبروك .. تقدر تستخدم الآيفون حاليا بدون أي مشاكل ..
وتستطيع إجراء المكالمات واستقبالها وكذلك الرسائل .. الخ

- عمل حساب جديد في الآيتونز

نجِي الآن لطريقة عمل حساب في الآيتونز ..

هذا شرح بالفيديو ..
بس راح أوضِّح نقطة بخصوص الباسوورد للحساب ..
لازم تتوفَّر في الباسوورد هذي الشروط علشان تقدر تكمل :
- أن يكون 8 خانات
- أن يتوفر أرقام + حروف انقليزية سمول ( a) + حروف انقليش كابيتال ( A) ..

مثال للنَاتِج النهائي مع استيفائة بالشروط :
الباسوورد :Aa345678 أو ABCdef123
الأهم توفِّر الشرطين في الباس

- طريقة نقل الصور والفيديو والصوت وجهات الاتصال إلى الآيفون

الآن أحب أبارك لك انِّك أنهِيت 60 إلى 70% من المطلوب ..
ما بقى إلى الأشياء القليلة والسهلة إن شاء الله ..

نقل الصوتيات والفيديو
نقل التطبيقات
نقل الصور
نقل جهات الاتصال

- طريقة تحميل التطبيقات عن طريق الآيفون مباشرة .

البعض يقول أنا ما عندي كمبيوتر !! هل معقولة ما اقدر اسوي شي !!؟
لا ياعزيزي .. تقدر تتحكَّم بكل شي من خلال الآيفون ..
وتقدر تحمِّل وتثبِّت التطبيقات المجانية على الآيفون بدون الحاجة إلى الآيتونز ..
لازم يكون عندك اتصال بالنت ( اما عن طريق الشريحة أو عن طريق الواي فاي ) ..

ألحين تبي تحمل التطبيقات عن طريق الآيفون ..
أول شي تسويه انِّك تدخل على Apple store أو متجر آبل بالعربي كما في الصورة

بعد ما يفتح معك .. تنزل تحت لآخر شي
وتضغط على كلمة Sign In .. أو تسجيل الدخول بالعربي

الآن نضغط على كلمة Use Existing Account أو استخدام حساب موجود بالعربي

الآن نضع حساب الآيتونز اللي سويناه مع الباسوورد
بعدين نضغط OK أو موافق بالعربي

الآن بعد ما ندخل الحساب .. راح نتعرَّف على اللي ظاهر بالصورة

Featured = المميزات أو العروض الجديدة في المتجر
Categories= المجلَّدَات
Top25 = أفضل 25 تطبيق خلال فترة معيَّنَة
Search= البحث عن تطبيق بالاسم
Update = التحديثات .. هذي راح تحتاجها في حالة نزل تحديث جديد لأي تطبيق منزِّله .. راح يعطيك تنبيه بالتحديث.

الآن اخترنا على Categories ..
وراح نضغط على Games للدخول إلى ملف الألعاب ..

الآن نَقوم بالضغط على Top Free لإختيار التطبيقات المجانية كما في الرقم 1 ..

ونضغط على التطبيق اللي نبي نحمِّله ونتأكَّد ان كلمة Free مكتوبة بجانب التطبيق كما في الرقم 2 ..

بعد ما نضغط على التطبيق .. راح يطلع لنا معلومات كاملة عن التطبيق وصُوَر مبسَّطة للتطبيق أيضا ووظيفته كما في الصورة التالية ..

نضغط على كلمة Free لتجهيز التطبيق ..

ونضغط Install لتحميل التطبيق كما في الصورة التالية :
( من الممكن انِّه يطلب حساب الآيتونز نقوم بوضعه في حالة الطلب)

الآن انتضر فترة بسيطة وراح يتحمَّل البرنامج معك بطريقة صحيحة ..
وهذي الصورة توضِّح لنا ان التطبيق تم تحميله بنجاح ونقدر نستخدمه..

- طريقة عَمل مُجَلَّد في الآيفون يحتوي على تطبيقات

لازم اصدار جهازك يكون 4.0 أو أكثر .. حاليا 90٪ اصدارهم أكثر أكيد ..

الشغلة سهلة إن شاء الله ..
علشان نسوي مجلَّد لازم نطبق التالي :

1- نعلِّق على التطبيق3 ثواني ( راح تشوف التطبيقات يرقصون
)
2- نَسْحَب تَطْبِيق إلى آخر وراح يكون عندنا مجلَّد .. ونقدر نسميه على كيفنا ..

هذي صورة توضِّح طريقة سَحب تطبيق فوق الآخر

- طريقة حذف تطبيق من الآيفون

الحذف مِن أسْهَل الأشْيَاء اللي تتصورها ..
يحتاج عمل 3 حاجات فقط علشان تحذف التطبيق من الآيفون :

1- علِّق على التطبيق 3 ثواني ( راح تشوف التطبيقات ترقص )
2- اضغط على علامة × في أعلى التطبيق كما في الصورة القادمة
3 اضغط زر الهوم ( اللي بالنص ) علشان توقِّف الرقص

- طريقة المُحَافَظَة على البطارية

في هذا الموضوع راح تحصِّل جميع ما يلزم للحفاظ على بطارية الآيفون
كيف تحافظ ع بطارية الـ iPhone
بواسطة : أبــو صـالح

- تنشيط الوسائط والإنترنت في الآيفون لجميع المُشَغِّلات

الوسائط راح تحصلها في هذا الرد للعضو jarkoo

طريقة تفعيل الوسائط للآيفون

أما طريقة تفعيل الإنترنت من الشريحة ..
في هذا الرد .
اعدادات الانترنت من الشريحة / الجوال / موبايلي / زين :: بواسطة A z z o

- نقل جهات الاتصال من الشريحة إلى الآيفون

إذا كان جهازك باللغة الانقليزية :

Setting
Mail, Contacts, Calendars
Import SIM Contacts

أما إذا كان جهازك باللغة العربية :

الإعدادات
جهات الإتصال , التقويم , Mail
استيراد جهات الإتصال من الـ SIM ..

وبكذا عرفنا ننقل جهات الإتصال من الشريحة للآيفون بِنَجَاح ..

- تغيير لغة الجهاز + تغيير لغة الكيبورد

لتغيير لغة الجهاز من انقليزي إلى عربي

setting
general
international
language
العربية

لتغيير لغة الجهاز من عربي إلى انقليزي

الإعدادات
عام
دولي
اللغة
English

الآن قدرنا نغير لغة الجهاز من عربي لإنقليزيوالعكس..

خلونا نشوف كيف نقدر نضيف اللغة العربية على الكيبورد ..

Setting
General
Keyboard
International Keyboard
Add New Keyboard
ونختار اللغة العربية ..

( لتغيير لغة الكتابة وأنت تكتب في الكيبورد, راح تجد صورة الكُرَة الأرضية بجانب " المسافة " والأرقام " ..
اضغط عليها وراح تتغير معك اللغة ) ..

- أغلب اختصارات الآيفون

أغلب الإختصـارات بالأيفون ...هنا :: بواسطة :Tomb Raider

- التعرُّف على قسم الآيفون وطريقة الدخول والإندماج فيه

مِن الصَعب أن تتكلَّم عن قسم الآيفون الضخم في سطرين وتختصرها ..
لكن ممكن نفيدك بطريقة الدخول للقسم ومعرفة كل ما يحتويه ..

أوَّل حاجة تدخل على هذا الموضوع بما انِّك آيفوني جديد

ONLY New iPhoners // معاك اي فون جديد ؟

وتاخذ معلومات كافية عن الآيفون ..

بعدين تدخل على دليل القسم من هذا الموضوع

The iPhone Guide | دليل و ارشيف كامل للاي فون

للتعرُّف على مواضيع الآيفون المتواجدة في القسم والإستفادة من الخبرات الموجودة في القسم الله يعطيهم العافية ..

بخاطرك تنزِّل موضوع ؟؟
إن شاء الله تكونون دايم متواجدين معنا في القسم وتنزِّلُون المواضيع وتتحفونا بإبداعاتكم ...
بعد ما شيكت على دليل القسم وشفت المواضيع .. وتأكدت ان موضوعك ما فيه شي مكرَّر ..
باقي لك خطوة وحدة ..

يجب عليك معرفة قوانين القسم .. علشان تقدر تبدع فيه وما تخالف في أي نقطة إن شاء الله

قوانين منتدى الآي فون ( تم التحديث )

ختاما ..
في حالة واجَهَتْك أي مشكلة في الآيفون ..
تَسْتَطِيع وَضْعها في قسم الاستفسارت الخاص بالآيفون

منتدى إستفسارات ومشاكل Apple iPhone

إن شَاءَ الله يكون المَوضُوع نَالَ على إعْجَابْكُم ..
وهَذَا الموضوع إهداء إلى الجَمِيع وبالأخًص مشرفين القسم

Tomb Raider،L a M a R, A z z o, في صمتي جروح

اللي ما يقصرون في خدمة الأعضاء ... الله يعطيهم العافية إن شاء الله على جهودهم ..
وإن شاء الله بتواجدهم يستمر القسم من تطوِّر إلى تطوِّر ..

إن شاء الله كل شي واضح للجميع ..
والسلام خير ختام